Kutubxona ziyo-oʻchogʻi! Bilim maskani nafaqat mutolaa uchun kitob tarqatadi. Balki tadbirlari bilan ham ilmu bilimga undaydi.
“Sogʻlom ona va bola” NNT hamkori Toshkent shahar “Bilim” Axborot kutubxona markazi YOSHLAR telekanali bilan hamkorlikda «YANGI KUN» dasturida viktorina savollarini eʼlon qila boshladi. Aholining, jumladan yoshlarning tafakkurini rivojlantirishga qaratilgan savollar haftaning har dushanba kuni soat 7:00 da efirga ketadigan dasturda eʼlon qilinadi.
Eng tez va toʻgʻri javob yoʻllagan inson gʻolib boʻladi va «Yangi kun» koʻrsatuviga taklif etiladi.
Bu haftaning bilimdoni Fargʻona viloyatining Furqat tumanidagi Obodon qishlogʻi farzandi Ahror Toʻlqinov boʻldi. U ayni kunda Oʻzbekiston Davlat jahon tillari universitetining 4- bosqich talabasi. Gʻolibni qutlaymiz!
