Oʻzbekiston Respublikasi Adliya vazirligi tomonidan joriy yilning fevral-mart oylari mamlakatimizda “Xotin-qizlar huquqlari boʻyicha dolzarb ikki oy” deb eʼlon qilinganligi haqida Adliya vazirligi axborot xizmati maʼlum qildi.
Oyliklar doirasida quyidagilar rejalashtirilgan: Xotin-qizlar huquqlari boʻyicha maʼlumotlarni OAV va ijtimoiy tarmoqlar orqali keng yoritish; tadbirkor ayollarga huquqiy koʻmak berish uchun Savdo-sanoat palatasi bilan birgalikda hamkorlik memorandumini imzolash; masofadan mavzuli bepul kurslarni tashkil etish va elektron tizimida (kurslar.huquqiyportal.uz) ayollar huquqiga oid bepul onlayn oʻquv kurslarini tashkil etish.
“Huquqiy axborot minbari” rukni ostida audio podkastlar tashkil qilish; xotin-qizlar huquqlari boʻyicha umummilliy imtihonini oʻtkazish; sayyor qabullar va boshqa tadbirlar tashkil etish.
