Билл Гейтс шу ёзда ўқиб чиқиш учун бешта китобни тавсия қилди

0
407
марта кўрилган.

Microsoft асосчиси Билл Гейтс келаётган ёзда ўқиб чиқиш учун бешта китобдан иборат рўйхатни эълон қилди. Унинг тавсиясига кўра, ушбу китобларни албатта ўқиб кўриш керак. Гейтснинг ўз блогида таъкидлашича, китоблар анча кичик бўлиб, уларни ўқиш осон бўлади.

“Сўнгги вақтларда мен ажойиб китобларни ўқиб чиқдим. Бу рўйхатни тузаётганимда, улардан баъзилари инсонни нима даҳо қилиши, яхши одамлар билан нега ёмон нарсалар юз бериши, инсоният қаердан келиб чиққани ва биз қаерга қараб кетаётганимиз, каби жиддий масалаларда эканини тушуниб етдим”, – дея ёзган у блогида.

Гейтс Уолтер Айзексоннинг “Леонардо да Винчи” китобини ўқишга тавсия этган. Миллиардернинг сўзларига кўра, муаллиф рассом ҳаётидан турли фактларни йиққан ва унинг феноменини тушунтиришга уриниб кўрган.

Шунингдек, тадбиркор Кейт Боулернинг  “Ҳамма нарсага сабаб бор, ҳамда менга ёқадиган бошқа ёлғон” китобини маслаҳат берди. Ёзувчи бу китобни ўзида саратоннинг энг сўнгги босқичини топишгач ёзган. Натижада, унинг сўзларига кўра, қалбни титроққа соладиган ва жуда кулгили роман чиққан.

Гейтс рўйхатга Жорж Сандерснинг “Линкольн бардода” китобини киритди. “Мен Авраам Линкольн ҳақида барча нарсани биламан, деб ўйлардим, бироқ бу роман унинг ҳаёти баъзи даврларини қайта кўриб чиқишга мажбурлади… Мен Линкольн қайғу ва масъулият туфайли қанчалик оғир аҳволда бўлганини ҳис этдим”, – дея ёзган тадбиркор.

Бундан ташқари, миллиардер Дэвид Кристианнинг “Барчасининг катта тарихи” китобини тавсия қилди. Асарда катта портлашдан бошлаб барча нарса ҳақида ҳикоя қилинади. “Китоб сизга инсониятнинг коинотдаги ўрни ҳақида тушунча беради”, – дея таъкидлаб ўтган Гейтс.

Рўйхатнинг сўнгги ўрнидан Ганс Рослинг, Оли Рослинг ва Анна Рослинг Роннлунднинг  китоби жой олди. Халқаро соғлиқни сақлаш масалалари бўйича профессор Ганс Рослинг дунё ҳақида оддий ҳақиқатларни тушунтириб беради – ҳаёт қандай қилиб яхши бўлади ва қайси соҳалар оламини такомиллаштириш зарур. 

Ёйиш

МУЛОҲАЗА БИЛДИРИШ

Мулоҳаза киритилмади!
Исми шарифингизни киритинг.