Берлин Ислом санъати музейи 1904 йилда ташкил этилган. Унинг коллекцияси санъат ва ҳунармандчилик, шунингдек, ислом дунёсининг деярли барча қисмларидан олинган археологик артефактларга асосланган. Осори-атиқалардан бири Самарқанддаги Улуғбек мадрасасини безаб турган юлдуз шаклидаги мармар кошиндир.
1923 йилда Берлин музейи паст релефдаги нафис нақш билан безатилган юлдуз шаклидаги ноёб мармар кафел совға олди. Ушбу нақш юлдуз шаклидаги фонда беш баргли розетни ўз ичига олади. Тахминларга кўра, бу мармар парча бир вақтлар Самарқанддаги Регистон майдонидаги Улуғбек мадрасасини безаб турган. У ҳозирги Ўзбекистон ва қўшни давлатлар ҳудудида 14-15-асрларнинг охирги учдан бирида ҳукмронлик қилган Амир Темур ва темурийлар даврига оид ёдгорлик.
Амир Темур ва унинг меросхўрлари салтанати даври кўплаб ҳарбий юришлар билан кечган бўлишига қарамай, у тарихга маданият ва санъатнинг юксак гуллаб-яшнаши даври сифатида кирди. Темур ўзининг янги пойтахти Самарқандга барча босиб олинган юртлардан меъморлар, рассомлар ва ҳунармандларни фаол олиб келди. Бу ҳунармандлар маҳаллий истеъдодлар билан биргаликда катталиги ва бадиий дизайни билан ҳайратланарли ажойиб биноларни яратдилар.
Мавзу ҳақида батафсил маълумотни «Ўзбекистон маданий мероси. Германия Федератив Республикаси тўпламлари» китоб-албомидан олишингиз мумкин.
Лойиҳа бош ҳомийси – Эриелл-Гроуп нефт хизматлари компанияси
