Go‘dak shamollaganda

0
813
marta ko‘rilgan.

Go‘dak shamollaganda uy sharoitida xalq tabobati usuli bilan ham yordam ko‘rsatish mumkin. Buning uchun albatta vrach bilan maslahatlashib oling.

Jo‘ka (lipa) li choy shamollash, yallig‘lanishga qarshi va siydik haydovchi ta’sirga ega. Bunday choy tayyorlash uchun lipa gullarining bir choyqoshig‘i ustidan bir stakan qaynoq suv quyilib, yarim soatga damlab qo‘yiladi. So‘ng dokadan o‘tkazilib, iliq holida 4 oylikdan oshgan bolaga kuniga bir necha mahal ta’biga qarab berish mumkin.

Chakanda (oblepixa) li choy avitaminoz va anemiyaning oldini oladi, yallig‘lanishga qarshi ta’sir ko‘rsatadi. Bunday choyni tayyorlash uchun chakandaning quritilgan mevalarini bir choyqoshig‘ining ustidan bir stakan qaynoq suv quyib, bir yarim soatga damlab qo‘yish kerak. So‘ng dokadan suzib o‘tkazib, iliq holida 5 oylikdan oshgan bolaga ovqatlantirishlar oralig‘ida bir oshqoshiqdan ichiriladi.

Ochilova Xolida,

oliy toifali vrach

Yoyish

MULOHAZA BILDIRISH

Mulohaza kiritilmadi!
Ismi sharifingizni kiriting.