Oliy taʼlim muassasalari talabalari, akademik litseylar oʻquvchilarining maʼnaviyat darslari va madaniy tadbirlarini Adiblar xiyobonida oʻtkazish anʼanaga aylandi.
Oʻzbekiston Yozuvchilar uyushmasida Oʻzbekistonda xizmat koʻrsatgan madaniyat xodimi, taniqli shoir Azim Suyun ishtirokida “Ajdodlarga munosib boʻl!” mavzusida uchrashuv boʻlib oʻtdi.
Tadbirda Soliq akademiyasi talabalari, Toshkent irrigatsiya va qishloq xoʻjaligi mexanizatsiyalash muhandislari instituti talabalari va «International House-Tashkent» akademik litseyi oʻquvchilari qatnashdi.
Oʻzbekiston Yozuvchilar uyushmasi raisi oʻrinbosari Nodir Jonuzoq uchrashuvni savol-javob tarzida olib borib unga yanada qizgʻin tus bagʻishladi.
Azim Suyun mamlakatimizda yoshlarga yaratilayotgan keng imkoniyatlardan unumli foydalanish va dunyo tamadduniga munosib hissa qoʻshgan buyuk ajdodlarimizga munosib avlod boʻlish har bir farzandning burchi ekanligini taʼkidlab, oʻzi ijodidan namunalari oʻqib berdi.
