Sloveniyaning Lasko shahrida karate boʻyicha «Slovenia Open» xalqaro turniri oʻtkazildi.
Mazkur nufuzli turnirda terma jamoamizning besh nafar aʼzosi shohsupaning eng yuqori pogʻonasiga koʻtarildi.
Erkaklar oʻrtasidagi bahslarda Sadriddin Saymatov (-67kg), Dostonbek Otabolayev (-75kg), Abdulaziz Otaboyev (-84kg), ayollar oʻrtasidagi turnirda esa Bahriniso Babayeva (-50kg) hamda Barno Mirzayeva (-61kg)lar oltin medal sohibiga aylandilar.
ushbu nufuzli turnirda dunyoning 40ga yaqin mamlakatidan 700 nafarga yaqin sportchi ishtirok etdi.
