Боғот туманидаги 23-сон мактаб ўқувчиси Шаҳризода Олимбоева катталар ўртасида шахмат бўйича ўтказилган Хоразм вилояти Олий лигасида ғолиб бўлди.
Шаҳризода ўзининг ёши тоифасида вилоятнинг бир неча бор чемпиони бўлиб, 2020-2021 йилларда хотин-қизлар Олий Лигаси ғолиби, Республика ва халқаро турнирлар совриндори бўлиб келмоқда.
У Хоразм вилояти Олий лигасида Боғот туманидан ғолиб бўлган илк шахматчидир, дея хабар беради Боғот тумани ҳокимлиги ахборот хизмати.
