Qirgʻiziston poytaxti Bishkek shahrida sport kurashlari boʻyicha Osiyo chempionati davom etmoqda.
Osiyo chempionatida erkin kurash boʻyicha final janglari yakuniga yetdi. Final bahslarda ishtirok etgan ikki sportchimiz Ixtiyor Navroʻzov (-70kg) va Magomed Ibragimovlar (-97kg) hal qiluvchi jangda raqiblarini magʻlubiyatga uchratib, Osiyo chempionligini qoʻlga kiritdi.
Mahmudjon Shavkatov (-57kg) va Rashid Qurbonovlar (-79kg) esa finalda imkoniyatni boy berib, kumush medal bilan kifoyalandilar.
Bronza medali uchun jang qilgan Temurjon Usmonohunov (65kg vazn toifasida) esa raqibini magʻlub etib, bronza medali sohibiga aylandi.
