Оксана Чусовитина профессионал фаолиятини якунламай туриб Халқаро гимнастика шон-шараф залига киритилган ер юзидаги ягона гимнастикачи!

0
112
марта кўрилган.

 Жаҳон спорти тарихида ёрқин из қолдира олган ҳамюртимиз Оксана Чусовитина  43 ёшга тўлди.

1992 йилги Олимпия ўйинлари чемпиони, 2008 йилги Пекин Олимпиадаси вице-чемпиони, уч карра  жаҳон чемпиони, Европа чемпионати ва Осиё ўйинлари ғолиби Оксана Чусовитина Ўзбекистоннинг фахридир. У еттита ёзги Олимпия ўйинлари иштирокчиси (1992, 1996, 2000, 2004, 2008, 2012, 2016) бўлиб,  ушбу кўрсаткич орқали Гиннес рекордлари китобига ҳамда Халқаро гимнастика шон-шараф залига киритилган. Эътиборлиси, Чусовитина профессионал фаолиятини якунламай туриб Халқаро гимнастика шон-шараф залига кирган ер юзидаги ягона гимнастикачи ҳисобланади.

Оксана Чусовитинанинг хизматлари давлатимиз томонидан муносиб тақдирланган. У  Ўзбекистонда хизмат кўрсатган спортчи фахрий унвони эгаси, шунингдек «Дўстлик», «Меҳнат шуҳрати» ва «Эл-юрт ҳурмати» орденлари билан тақдирланган. 

Ўзбекистоннинг афсонавий юлдузи Оксана Чусовитина қутлуғ айёми билан  gujum. uz сайти таҳририяти ҳам қутлайди.

Раъно Сапоева

Ёйиш

МУЛОҲАЗА БИЛДИРИШ

Мулоҳаза киритилмади!
Исми шарифингизни киритинг.