Ўзбекистон олимпия терма жамоаси U-23 Осиё чемпионати чорак финалига йўл олди

0
57
марта кўрилган.
Ўзбекистон олимпия терма жамоаси U-23 Осиё чемпионати “А” гуруҳи 3-турида Уммонга қарши баҳс олиб бориб, 1:0 ҳисобида зафар қучди. Учрашувнинг 37-дақиқасида Достон Турсунов томонидан киритилган ягона гол Равшан Ҳайдаров жамоасига ғалаба келтирди. Параллель равишда кечган баҳсда мусобақа мезбони Хитой Қатарга 1:2 ҳисобида енгилди.  
 
Натижада Ўзбекистон олимпия термаси 6 очко билан гуруҳда иккинчи ўринни эгаллаб, чорак финалга чиқди. Барча ўйинда ғалаба қозонган Қатар 1-ўрин билан плей-офф йўлланмасига эга бўлди. 
 
Чоракфиналда “А” гуруҳи ғолиби Қатар “B” гуруҳида 2-ўринни эгаллаган жамоа билан, ўз гуруҳида иккинчи ўринни эгаллаган Ўзбекистон ОТЖ эса “B” гуруҳи ғолиби билан куч синашади. “B” гуруҳидаги ҳолатда юзланадиган бўлсак, 2-турдан кейин Япония 6 очко билан биринчи, КХДР термаси эса 4 очко билан иккинчи поғонани эгаллаб турибди. 
 
“B” гуруҳи 3-турида айнан Япония ва КХДР жамоалари ўзаро баҳс олиб боради. Мазкур баҳс эртага, 16 январь куни бўлиб ўтади. 
 
Ўзбекистон футбол федерацияси матбуот хизмати
Ёйиш

МУЛОҲАЗА БИЛДИРИШ

Мулоҳаза киритилмади!
Исми шарифингизни киритинг.