Birlashgan Arab Amirliklarida pauerlifting boʻyicha Jahon kubogi musobaqalarida ayollar oʻrtasida -55 kg vazn toifasida yurtimiz sharafini himoya qilgan Roza Qoʻziyeva 110 kg natija koʻrsatib, kumush medalga sazovor boʻldi.
Roza Qoʻziyeva Indoneziyada oʻtkazilgan Paraosiyo oʻyinlarida oltin medalni qoʻlga kiritgan. Shuningdek, u 2018 yilda Milliy olimpiya qoʻmitasi tomonidan tashkil etilgan «Milliy sport mukofoti» taqdirlash marosimida Oʻzbekistonning eng yaxshi paralimpiyachisi sifatida eʼtirof etilgan edi.
Sportchilarimiz musobaqada murabbiy Fazliddin Umirzoqov murabbiyligida ishtirok etishmoqda.
