Bahor kelishi bilan baʼzi kishilar oʻzini lohas seza boshlaydi. Tez charchab qoladi. Bu esa inson immun tizimining pasayganidan darak beradi.
Xalq tili bilan aytganda “ilik uzildi” davri deyiladi. Bunday paytda inson tanasi turli virusli kasalliklarga tez chalinib qolishi mumkin. Bu kabi koʻngilsizlikning oldini olish maqsadida oʻy bekalarimiz bahoriy neʼmatlarga alohida eʼtibor berishi kerak.
Yashil salat bargi, koʻk piyoz, yangi uzilgan sarmisoqpiyoz, yalpiz, rayxon, ismaloq, shivit, kashnich va boshqa koʻkatlardan tayyorlangan salatlar deyarli har kuni dasturxonimizda boʻlishi kerak.
Pishirilmagan maydalab kesilgan sabzi, karam, limon kabi turli xil neʼmatlar hamhar kuni isteʼmol qilish kerak.
Shuningdek, uy bekalarimiz yurtimizda oʻsadigan bahoriy koʻkatlardan chuchvara, samsa, goʻmma, koʻkatli non, manti kabi mazali taomlarni tayyorlab oila aʼzolarini xushnud qilishlari maqsadga muvofiqdir.
Muhabbat Xoʻjamurodova tayyorladi.
