«Sogʻlom tanda – sogʻlom aql» deganlaridek, sogʻlom tanda tishlar ham sogʻlom boʻladi. Yosh oʻtgan sari tishlarning yemirilishi tananing salomatligi bilan uzviy bogʻliq.
Tishlarning yoshga bogʻliq holda yemirilishi holati koʻpincha odamlarda 35-40 yildan keyin oʻzini namoyon qiladi. Hayotimiz davomida tishlar dam olishni bilmaydi: ular doimo harakatda, ovqatni chaynashadi, gaplashayotganda yonoqlar va tillar bir-biriga ishqalanadi.
Shu bilan birga – chekish, spirtli ichimliklar, taomdagi ortiqcha shakar va boshqa sabablar tufayli noqulay omillarga duch kelishadi. Bularning barchasi emal qatlamining bosqichma-bosqich yemirilishiga olib keladi.
Shuningdek, turmush tarzi va surunkali kasalliklar – qandli diabet, gastrit, kolit va boshqa oshqozon-ichak kasalliklarining mavjudligi ham juda katta rol oʻynaydi, Ularning aksariyati tish salomatligiga salbiy taʼsir koʻrsatadi. Azizlar, oʻzingizni va tishingizni asrang.
gujum.uz
