Harvard universiteti olimlari uyda tayyorlangan ovqatlarni isteʼmol qiluvchi insonlarda fastfud va yarim tayyor mahsulotlarni yeydiganlarga nisbatan qandli diabet kasalligining ikkinchi toifasiga chalinish xavfi kamroq kuzatiladi, degan xulosaga kelishdi.
Tadqiqot koʻngillilarning oziqlanish odati boʻyicha maʼlumotlarga asoslandi. Maʼlum boʻlishicha, 5-7 hafta davomida uyda taom isteʼmol qilgan tadqiqot ishtirokchilarida diabetning ikkinchi turiga chalinish 15 foizga kamaygan.
Buni quyidagicha tushunish mumkin: uydan tashqarida ovqatlanishga moyil insonlar yuqori energetik qiymatli mahsulotlarni va turli xil neʼmatlarni aralashtirib isteʼmol qilishadi. Bu esa diabetning ikkinchi turi paydo boʻlish xavfini oshirib, ortiqcha vazn yigʻilishiga sabab boʻladi.
Uyda oʻz qoʻlingiz bilan tayyorlab, yaqinlaringizga mehringizni ulashib isʼtemol qilganga ne yetsin!
Tibbiyot fanlari nomzodi Shoira Bekchanova tayyorladi.
