Bugun, 15 iyun kuni Islom Karimov nomidagi «Toshkent» xalqaro aeroportida 1 soat ichida 1200 nafargacha boʻlgan yoʻlovchilarga xizmat koʻrsata oladigan yangi zalning ochilish marosimi boʻlib oʻtdi, deya xabar bermoqda «Uznews».
Yangi terminal muhandislik-texnik uskunalar bilan jihozlangan boʻlib, bu yerda «qizil» va «yashil» yoʻlaklar, 4 ta yuk lentasi, pasportni nazorat qiluvchi 24 ta punkt, ikkita valyuta almashtirish punktlari, ikkita «Duty free» doʻkoni va ikkita kafe-bar mavjud.
Taʼkidlash joiz, yangi terminalda pasport nazoratidan oʻtish vaqti 7-10 daqiqagacha qisqaradi (avval bu jarayonga 15-20 daqiqa ketardi).
«Yangi zalning ochilish kunida aviakompaniya xodimlari va OAV vakillari Seul–Toshkent yoʻnalishida uchib kelgan 243 nafar yoʻlovchilarni kutib olishdi», deyiladi xabarda.
