Қора седананинг шифобахш хусусиятлари қадимдан маълум бўлиб, Шарқ табобатида ундан кенг фойдаланилган. Бу ҳақида буюк табиб Ибн Сино шундай деган: “Седана вужуд энергиясини яхшилайди, касалликлар сабабли йўқ бўлиб кетган бактерияларни тиклайди”. Буюк табибнинг ушбу сўзини бугунги тиббиёт тили билан изоҳласак, иммунитетни мустаҳкамлаш, куч-қувватни ошириш хусусиятига эга. Айни кунда коронавирус хавф солиб турганида, иммунитетни кўтариш орқали кайфиятни яхшилаш катта аҳамиятга эга.
Инсоннинг иммунитети мустаҳкам бўлса, руҳан тетик бўлса, дард юқмайди касаллик чекинади.
Истеъмол қилиш тартиби: Катта ёшли кишилар кунига 1 чой қошиқда 2 маҳал, эрталаб ва кечқурун овқатлангандан сўнг, илиқ сув билан ичишади. Болалар эса ярим чой қошиғида кунига 2 маҳал, овқатлангандан сўнг илиқ сув билан ичадилар.
Имом Муслим ва Имом Бухорий ҳадисларида таъкидланишича, Муҳаммад соллаллоҳу алайҳи ва саллам: «Қора седанада ўлимдан бошқа ҳамма дардларга даво бор”, деб марҳамат қилганлар.
Қора седана ёғининг тиббиётда уруғи ва ёғи ишлатилади. Қора седана ва унинг ёғи кўп касалликларнинг олдини олиш ва даволашда ажойиб восита бўлиб, нафас йўллари касалликлари, шамоллаш ва астмани даволашда ижобий натижа беради, йўтални қолдиради, Балғамни кўчириб туширади. Овозни тиниқлаштиради. Седана ёғига лимон шарбатини аралаштириб истеъмол қилиш балғамнинг кўчишини янада кучайтиради.
Склерозни даволашда ҳамда организмда пайдо бўлган ҳар хил шиш ва ўсимталарнинг сўрилишига ёрдам беради. Бир қошиқ янчилган седанага бир бош пиёз аралаштириб истеъмол қилиш тавсия этилади.
Буйрак ва сийдик пуфагидаги тошларни майдалаш, пешоб ҳайдаш хусусиятига ҳам эга. Бунинг учун қора седана уруғини ҳовончада янчиб, асал билан аралаштириб истеъмол қилинади.
Она сутни кўпайтиради, Қон босимини пасайтиради, қандли диабетда ҳам кони фойда. Қондаги қанд моддасини камайтиради, шу йўл билан диабетдек хавфли касалликка чалинишнинг олдини олади.
Темиратки ва бошқа тери касалликларида қора седанани эзиб сирка қўшиб малҳам сифатида ишлатилса яхши самара беради.
Қайнатилган седана уруғини ревматизм ва бошқа шамоллаш касалликларида компресс қилиш ҳам яллиғланишни кетказади.
Дардни берган Оллоҳ шифосини ҳам ўзи беради. Шифо эса билиб ишлатилса она юрт неъматларининг ўзидадир.
Тиббиёт фанлари номзоди Шоира БЕКЧАНОВА тайёрлади.
Қора седананинг фойдали хусусиятлари тўғрисидаои мақола жуда долзарб ва мухим. Айниқса айри кунда коронавирус-кўринмас балодан сақланишда асосий омил хисобланади. Ҳамма энди ўз саломатлиги учун қабул қилса керак. Мен ҳам бошладим. Раҳмат Шоирахон.
Ҳофизахон. Фикрингизга қўшиламан. Эътиборингих учун рахмат
Ассаламу алейкум ва роҳматуллоҳи ва барокатуҳ бу маълумотларни ва шунга ўхшаш инсон учун зарур белгиларни яқин яқингача рус ёки турк сайтларидан қидирар эдим, энди ўзбек тилида ҳам кенг ва тушунарли ёритиб берибсиз катта аҳамиятга эга бўлган шундай маълумотлар янаям кўпроқ чоп этсангиз. Барчаси учун миннатдорчилик билдираман Аллоҳ рози бўлсин рахмат ишларингизга омад ва соғлиқ тилайман
Мен қора седана уруғини янчиб асал билан аралаштириб 6-7 ойдан буён исте’мол қилиб келяпман. Ёшим 72 да. Доимо исте’мол қилаверайми ёки ма’лум муддати борми?
Рўзиев Гулмурод.
Саломатлик туман бойлик дейди халқимиз. Бу борада сизни яхши биладиган участка врачингиз билан маслаҳатлашинг. Турли хил таҳлиллар топширинг. Шундан кейингина врач бирор хулосага келиши мумкин. Саломат бўлинг. Умрингиз узоқ бўлсин.
Капсулани бир кунда нечта ичилади,ёшим 47 да
Бу борада сизни яхши биладиган участка врачингиз билан маслаҳатлашинг. Турли хил таҳлилларсиз бировнинг гапи билан иш қилиб бўлмайди. Аллоҳ дилингизни равшан айласин.